أحبك تراها ماهي بس كلمه؟؟

أحبك أحبك أحبك تراها ماهي بس كلمه..

لكل من جاء بدون شعور أنااااا أحكيها..

اهي كلمه بها أحساس بها معنى بها ذمه..

تموت الكلمه في صدري وتنقتل بما فيها..

ولأني اقولها لأنسان وهي في الأصل ماتهمه..

كبيره حيل هالكلمه ورب البيت فهمتيها..

تبيني لك انا اشرحها كانك جد مهتمه

بسيطهإخذي لك طفله وعلى ايدك ربيها..

عطيها من حنان قلبك حنان يغطي هالأمه..

وبعد ماتكبر بحضنك لأهلها روحي وديها..

وشوفي حالتك بعد فراقها كيف منغمه..

إلي منك شعرتي صدق خلاص انك فقدتيها..

وهي لك كانت الدنيا ونبض القلب ودمه..

وفجأه أختفت عنك وقالوا اليوم انسيها..

وانسي لما قالتلك أحبك حييييل يايمه..

امانه بس ابي اعرف يجيلك قلب تنسيها..

وتعديها مجرد حلم بس الوقت ماتمه..

وش يعني الحنان اللي من قلبك عطيتيها..

طبيعي هالعطا مهما نقص أو زاد في حجمه..

غريزه نابعه من القلب ولاتدرين وش فيها..

وكانت قبل لاتنطق حكيها وقبل لاتمه..

تعرفين اللي بتقوله قبل لانتي تسأليها..

غلاها وش هو يعنيلك غلا خاله أو غلا عمه..

أوهي مجرد طفله مسكينه وبعطفك حضنتيها..

وعادي لو خسرتيها طبيعي منتي مهتمه..

ابي تعيشين هالقصه من اولها لتاليها..

وأبي تعرفين وش المقصود منها ووش الحكمه..

ساعتها بس بتعرفين أحبك ليه أداريها..

وليه بالتحديد هالكلمه ماهي بس هي كلمه..

وإذا كانت مشاعر صادقه والحب يحييها..

وترى ماهي حكايه غامضه وكلن حسب فهمه..

كثير أشياء تثبتها وكثير أشياء تنفيها..

وإذا مات الصدق فينا نموت ونندفن يمه..

وإلا إنا نعيش كذبه أنا وإنتي مانبقيها..

ترى درب الهوى متعب مثل اللي يصعد القمه..

يبيله قلب مايتعب وخطواته يهديها..

لجل يقدر على المشوار ومايضعف أبد عزمه..

شفتي شلون هالكلمه كبيره حيل في معانيها..

ولا اذكر قلتها إلا لشخص ضلوعي تضمه..

عرفتي إنتي لي وش تعنين هذيك الطفله عرفتيها..

دمتم بود